Моторот на охридскиот Амак СП, Ефтим Богев има бројни трофеи во својата кошаркаска кариера,а списокот го докомплетираше неодамна со Куп трофејот и МВП наградата која недостаигаше во неговите витрини. Богоев (28 г) порачува дека тренингот и упорноста се тајната успехот. Одличните изднанија на купот во Охрид , ги распламтија очекувањата на струмичанецот за кам- бек во националниот состав. – Она што во овој момент ми е најбитно е успехот на клубот за кого играм а сето останато ќе си дојде само по себе. Секое мое влегување на тренинг е со една цел-да го дадам својот максимум. Само со многу работа се стигнува до репрезентативниот дрес. Голема желба ми е да заиграм на ЕП во Полска, работам напорно и се разбира очекувам. шанса ако ништо друго барем да бидам дел екипата која ќе оди на подготовки за да покажам што знам. Свесен сум за моите квалитети и мислам дека треба да бидам во конкуренцијата за репрезентативниот дрес.
По распадот на Струмица изгубивме сите, квалитативниот пад на кошарката е евидентен, а цените на играчите одат надолу. Ваквата ситуација во мак баскетот го тера Богоев своите погледи да ги заврти кон надвор.
– Имам двегодишно меѓународно искуство бев во Грција и се надевам дека следната година ќе се испробам во некоја екипа во странство. Засега имам некои понуди но сеуште не се конкретни. Работам на тоа барем уште две-три години да играм во некоја странска екипа.
Амак во наредното коло од шампионатот утре му гостува на МЗТ Скопје.
М.П.
