Демолиран е изборен штаб на СДСМ во населбата Далјан во Охрид, соопшти денеска шефот на Општинскиот изборен штаб на оваа партија, Александар Петрески. Тој посочи дека деновиве, исто така, се испишани непристојни пароли кај полигонот за мали спортови и на други места, за што тој го обвини ВМРО ДПМНЕ.
– Со тоа само ја покажуваат нивната немоќ и покажуваат дека воопшто не се гижат за Охрид.-рече Петрески, кој на ДПМНЕ му забележа и дека држи прес конференција на празникот посветен на словенските просветители.
Тој ја повика полицијата да ги открие сторителите, на како што рече, овој вандалски чин, и да го пронајде лицето што креирало лажен профил на Алекдсандар Петрески на Фејсбук.
-На полицијата и посочив на кого се сомневам и мислам дека таа успешно ќе го расветли случајот.-нагласи Петрески.
Тој упати апел до партиите да водат грижа за тоа каква кампања спроведуваат, со цел да не се наруши имиџот на градот пред почетокот на туристичката сезона.
OhridNews
