Се е` подготвено за стартот на најголемиот спортски настан кој ќе се одржува во Република Македонија, сениорското Европско женско ракометно првенство.
Охрид и спортската сала „Билјанини Извори“ во наредните 12 дена ќе бидат македонските репрезенти во Европа.
Директорот на ЈП Билјанини Извори, Иван Цветкоски напомена дека огромно е задоволстовото но и одговорноста да се биде домаќин на ЕП.
Макотрпна беше работата во изминатиот период , но сепак успеавте работата да ја доведете до конец?
– Во изминатиот период успеавме да ја “дотераме“ спортската сала. Очекуваме доста публика од надвор и верувам дека “гостите“ ќе бидат задоволни од сето она што ќе го видат. Работите ги интензивиравме во последните две недели, се обидовме да ги преточиме нашите идеи во стварност, а колку успеавме во тоа ќе кажат посетителите во салата. Изминатиот период за мене како директор на спортската сала и за вработените е едно огромно искуство.
Колку охриѓани покажаа интерес пред стартот на ова ЕП?
– За жал охриѓани не се потресоа многу многу за ова ЕП. Една од приичините ја гледам и во задоцнетата промоција на ова ЕП. Ние сепак во рамките на нашите можности се обидовме да им го приближиме Европското првенство на охриѓани. Се надевам дека во иднина духот кој моментално владеа во ова ЈП, охриѓани ќе го препознаат и ќе ни подадат рака за да го промовираме Охрид во што подобро светло.
Организиравте локална капмања за анимирање на јавноста ?
– Задоволни сме од текот на локалната кампања, можеби беше малку кратка и не и кореспондираше на вака голем настан но мислам дека успавме да ги анимираме охригани и да ги привлечеме да бидат дел од ова ЕП.
М.Постоловски
