За многумина септември е најубавиот месец за одмор на охридското крајбрежје. Сончевото време, мирното езеро и плажите без метеж, музика и лежалки, се идеални за одмор и релаксирање.

Според најновите податоци на Управата за хидрометеоролошки работи, температурата на езерската вода е 22 степена, се уште пријатна за капење.

Сончевото и пријатно време ќе продолжи и во наредните денови. Максималната температура ќе биде 24 степени, а минималната од 11 до 13 степени.

OhridNews