Гимназијалката Ана Томевска – дел од „Yes“ програмата за меѓународно образование

Гимназијалката Ана Томевска, ученичка во втора година при ОСУ “Св.Климент Охридски”, ќе биде дел од „YES“ програмата за меѓународно образование.

Како што вели Томевска, за програмата „YES“ била информирана и добила препораки од нејзината професорка по англиски јазик Сузана Ристеска.

„Професорката Сузана не информира и не поттикна да учествуваме на натпреварот за познавање на англискиот јазик кој се оддржа во Струга во Септември 2013. Тестирањето се состоеше од три круга и тоа општо знаење на англискиот јазик, како и пишување есеј. За резултатите од вториот круг се чека неколку месеци, за да се продолжи со третиот круг кој се состои од EFL тест, есеј и интервју со што се завршува третиот круг. Тестовите, есеите и интервјуто се праќаат во Washington DC каде се врши селекцијата.“ – вели Томевска.

Инаку, Томевска како дел од оваа програма, третата година од средното образование ќе ја заврши во Pasco, Washington, USA.

OhridNews