Инекс Горица го совлада АСП Пак со 5-3 и се пласираше меѓунајдобрите осум на Велгинденскиот турнир во мал фудбал.

Пет пати се тресеа мрежите во првиот дел. Уште во првата минута, “белите“ профитираа од рискантната игра на Инекс и Најдески Аце го отвори резултатот.


Првата прилика да изедначат “сините“ имаа преку Никодиновски, но неговиот удар заврши во добропоставениот Стенковски.  Но не` се чекаше долго на израмнување, Бакулески прифати една топка и силно биеше тресејќи ја мрежата на “пештанци“.


Дефанзивно ореиентираниот Кочески, ја искористи можноста се уфрли во  и повторно го врати АСП Пак во предност.  


Но и новата предност не стоеше долго на семафорот. Никодиновски одлично прими една топка се ослободи од својот чувар и со топовски удар го совлада Стенкоски за ново изедначување.

Во финишот на првиот дел побрз од сирената беше Шопоски кој за прв пат на мечот го доведе Инекс во предност 3-2.

На стартот на вториот дел продолжи голеадата. Ампов искористи еден отпадок и со удар од надвор го матираше за трето изедначување на мечот.

Но “сините“ го имаа расположениот Никодиновски кој повторно разманавна. Пех претпреа белите“ по повредата на Ампов, кој со потешкотии го продолжи мечот.

Нов “пар“ погодоци на играчот на мечот Никодиноски за висока предност од 5-3. АСП Пак фрли се на една карта во финишот на мечот уфрли и шести играч во поле, но ударите на Кочески и Медароски не ја погодија целта.

– Два пати бевме во негатива, но успеавме да се вратиме во мечот и на крајот да се радуваме на сосема заслужена победа. Не застануваме тука и посакуваме пласман се до крајот до финалето – рече стрелецот на првиот гол за Инекс Горица, Бакулески.

Во четвртфиналето Инекс Горица ќе игра против Дисконт Царовски.