Ј.П. „Охридски Комуналец“ започна со реализација на втората фаза од уредувањето на бетонската жардињера на булеварот „Железничка“ , на потегот од кружниот тек на ул. „15-ти Корпус“ до сообраќајната клучка на влезот во Охрид.
Во првата фаза жардињерата беше исполнета со земја, по што следи хортикултурно уредување, дополнување со површински слој од плодна хумусна земја и засадување на декоративни зимзелени грмушки од видовите: пироканта, вибрунум, берберис и др.
– Нашите активности се одвиваат синхронизирано со МЈП.„Проаква“ , кои го поставуваат системот за автоматско наводнување по принципот „ капка по капка“, објаснуваат од јавното претпријатие.
OhridNews
