Изложба на тетовчанката Дијана Богдановска во Центарот за култура

Во организација на Центарот за културен проток “Артерија”, вечерва, 6-ти април, во Центарот за Култура “Григор Прличев” ќе биде отворена изложбата “Женски Логор” од Дијана Богдановска од Тетово.

Како што се наведува во критичкиот осврт за изложбата, преку изложбата авторот ќе се обиде да го дефинира негативниот одраз на релоцирањето на женскиот уметник како фрустрација во современото општество, детереминанта која ја убива жената, привлекувајќи ја да стане зависна од ригиден однос спрема себе -неконтролирање и одржување на таа вечна обврска, да се биде дел од еден логор на смртта, геноцид на културата.

Изложбата ќе биде отворена во 20 часот и 30 минути.