Охриѓанецот Сашо Блажес меѓу финалистите на 53. „Premio Suzzara“ во Италија

Македонскиот визуелен уметник Сашо Блажес е избран за финалната изложба на 53. Premio Suzzara во Италија со делото „Scorched Reflection (Synthetic Geology)“, создадено во 2026 година.

Изложбата ќе биде отворена на 20 септември 2026 година во „Museo Galleria del Premio Suzzara“, под наслов „Terra bruciata. L’arte nell’Antropocene“ („Изгорена земја. Уметноста во антропоценот“). Годинашната тема е посветена на влијанието на човекот врз животната средина и промените во пејзажот.

„Premio Suzzara“ е основан во 1948 година. Годинашната изложба е предвидено да трае до 9 јануари 2027 година.

Сашо Блажес е роден во Охрид во 1980 година. Дипломирал и магистрирал на Универзитетот за уметности во Букурешт. Работи во областа на сликарството, инсталацијата и скулптурата. Самостојно изложувал во Париз, Венеција, Грац, Букурешт, Скопје и Охрид. Живее и работи во Охрид.

OhridNews