Во организација на Центарот за културен проток “Артерија” во Сабота на 10-ти Март во 20 часот во галеријата “Робевци”, ќе биде отворена изложбата на слики “Небо во лицата” од ВАНЕ КОСТУРАНОВ.
“Творештво кое произлегло како резултат на некаков си судир помеѓу сликарски и илустративни импулси.. Таквата двојност дава и двојна поетика.. би рекле сликарска и илустративна. Иако се јавуваат одредени ликови сепак е избегната таа персонализација и ликовите се поставени во некаков си имагинарен и до некаде нејасен дводимензионален прсотор, со мала сугестија на едно модерно време и временски период, со осмислена колористичка вредност на истиот..” – стои во критичкиот осврт на Ели Аиноска Христовска.
Изложбата ќе биде отворена до 24-ти март 2012 година.
OhridNews
