Поради постоење на основи на сомнение, Основното јавно обвинителство Скопје презема дејствија против повеќе инволвирани лица кои овозможиле незаконско приватизирање на земјиште во сопственост на една општина.
На приватизацијата претходела постапка за утврдување на статусот на незаконито изградени три објекти, која била реализирана спротивно на закон. Како резултат на оваа постапка извршена е легализација на објектите и приватизација на земјиштето.
Со тоа е овозможено земјиштето да биде откупено по цена од 1 евро/м2, додека пазарната цена на лицитација по редовна постапка би била значително повисока, информира Основното јавно обвинителство Скопје.
Како што веќе информиравме, утрово бил приведен градоначалникот на општина Ѓорче Петров, Сокол Митревски, како и неколку други лица. Тој се товари за злоупотреба на службената положба и овластувањата во врска со незаконска пренамена на земјиште на територијата на општината.
OhridNews
