Господата од ВМРО НП никако да сфатат и упорно ја манипулираат јавноста, дека јавните паркинзи не се даваат, како што тие викаат, на приватен сопственик. ЈП „Билјанини Извори“ стопанисува и во иднина ќе стопанисува со целиот јавен паркинг простор на територија на Општина Охрид, се наведува во реакцијата од јавното претпријатие по упатените обвинувања од општинската ВМРО НП.
– Многу е лесно сега да се лицитира со опциите со кои би се набавила опремата се со цел модернизација на работата на јавниот паркинг простор, од кога го доведовте до чекор од затворање Јавното претпријатие во вашето 8 годишно владение со општината, преку константното трупање на долгови и големата превработеност. Ние во овој момент го најдовме најдобриот начин како претпријатието да остварува поголем приход, а воедно да не сме изложени на дополнителни расходи. Иднината за многу брзо ќе докаже дека оваа одлука е во интерес на претпријатието и особено на вработените, и со тоа се надеваме конечно ќе ја суспендираме вашата константна ” загриженост ” за ЈП Билјанини Извори и јавниот паркинг простор, додаваат од јавното претпријатие.
OhridNews
ВМРО-НП: Паркинзите да останат целосно во рацете на ЈП „Билјанини Извори“
