Сите физички лица од Охрид, кои се сопственици на угостителски објекти од мал обем и на кои им е истечена важноста на решението за категоризација, истото треба веднаш да го продолжат. Категоризацијата на објектите е задолжително, а оние кои не поседуваат решенија за категоризација или ги немаат продолжено веќе потоечките категоризации, ќе заработат казни во согласност со Законот за угостителска дејност. Според него, покрај казните, сопствениците кои немаат решение за извршена категоризација, нема да можат да обавуваат туристичко угостителска дејност во своите објекти.
-Барање за категоризација на објекти, треба да поднесат сопствениците кои вршат сместување на туристи во куќи, апартман или соби. По поднесување на барањето соодветна комисија, излегува на терен и согласно правилникот за категоризација, ги утврдува минимално-техничките услови за продолжување на веќе постоечкото решение или добивање на ново.-објаснуваат од Секторот за ТЛЕР, при Општина Охрид.
Тие информираат дека заклучно со 31 декември 2009 година, на порачјето на Општина Охрид, биле регистрирани 1754 категоризирани обејкти од мал обем, со капацитет од вкупно 10.270 легла.
OhridNews
