Канцерогени топки пронајдени во „Бамбус оаза“ се продавале во текот на изминатите две години. Не се знае кој ги купил ниту колкав број се купени. Во нивниот состав е пронајден металот кадмиум, кој е екстремно отровен материјал. Анализите на Државниот завод за здравствена заштита покажаа дека играчките не се безбедни за здравјето на децата зашто содржат кадмиум над дозволеното ниво. При вонредна контрола на санитарните инспектори пронајдени се овие отровни топки, и минатата недела се повлечени од продажба. Увезени се од Кина пред 2 години од Бамбус оаза, но точната бројка на пратката не е позната.