Драматичниот пораз во четвртфиналната серија значеше крај за сезоната на охридскиот лигаш. Повредата на Дамјан Стојаноски, остуството на Фрај, како и психолошкиот пад во финишот беа одлучувачкиот моменти во поразот според стратегот на охриѓани Марјан Лазовски.

– Не го надминавме психолошкиот товар кој не чинеше пораз во финишот на мечот и испаѓање од трката за титулата. Им честитам на кошаркарите на МЗТ, но мора да кажам дека имам забелешки на судењето, не може нашиот играч да направил фаул, а да добие “пукнат“ нос. Повредата на Дамјан не исфрли од ритам и до крајот не успеавме да се соземеме. До ден денес не ги дознав причините за заминувањето на Фрај, чие присуство сигурно ќа ја направеше разликата. Во секој случај готово е, сезоната е завршена, рече Лазовски.
М.П.