Миравци го преплива Охрид ! !

Натпревар со две различни полувремиња одиграа на Билјанини Охрид и Миравци. По едно полувреме им припадна на двете екипи, но гостите се тие кои на крајот се радуваа.

Одлучно започнаа охриѓани, а првата прилика ја имаа по само пет минути игра но Димоски биеше млако кон голот на Бошнаков. Дваесет минути подоцна преку Чашитоски “сините“ постигнаа гол, но по асистенцијата на помошниот Бојанинов, поради недозволена позиција Цветкоски го поништи погодокот.

Продолжија домаќините во исто темпо,а наградата стигна во финишот на првото полуврме. Димоски прифати една топка и во соло продор се ослободи од двјаца чувари и го матираше Бошнаков. Се опуштија домашните, а во судиското надополнување еден отпадок прифати Ристовски и со одмерен удар го совлада Абди за 1-1.

Охридските сини решени да го добијат мечот тргнаа силовите на стартот на вториот дел, но таквата игра осатсви место за контри, а гостие ја реализираа првата прилка која им се укажа. Зајков во празно го проигра Тодоров кој изби сам пред Абди и по вторпат на мечот ја затресе неговата мрежа.

Пет минути подоцна повторно спорна ситуација. Маркоски продре во противничкиот 16 -ик, соборен беше од Бучков но за судијата Цветкоски контактот не беше доволен за најстрога казна. Нешто подоцна капитенот Лошкоски се најде во петтерецот но неговиот удар од самата гол линија го расчисти потесната одбрана.

По оваа прилика охриѓани комплетно се отворија , а гостите има неколку прилики да го зголемат водството но Упчев и Мижоров не ја затресоа уште еднаш противничката мрежа.