На интернационалниот музички натпревар одржан во Белград, Србија, пијанистката Кристина Базгалоска (9) ученичка при музичкото училиште „Методи Патче“ освои прво место во конкуренција од 16. Натпреварот со официјален назив „Отворен натпревар на клавири, клавирски дуа и камерни состави“ се одржа од 14 до 18 февруари во музичката школа „Даворин Јенко“ во Белград. Младата Кристина која свири клавир (пијано) од својата шеста година, беше придружувана од својот професор, Гоце Гаврилоски.


Со професорот, веднаш по освојувањето награда

Директорката на музичкото училиште Нина Момироска и професорот Гаврилоски изјавија дека ова е еден од најголемите успеси, па иако немале многу време за спремање (Кристина за натпреварот дознала пред неполни 2 месеца) сепак го пријавиле девојчето во конкуренција.


„Многу сум задоволна затоа што победив, се надевам дека и во иднина ќе учествувам на натпревари и концерти каде достојно ќе се претставувам себеси, училиштето и земјата“ – кратко ни изјави Кристина, која учи во ОУ „Григор Прличев“, трето одделение.

Во Белград, на победничкиот 4 ипол минутен настап извела дела од Паганини (варијации) и „Дедо Мраз“ од Роберт Шуман.

Секоја чест!

С. Костоски