10 члената екипа на Ренова среќно победија на натпреварот со Победа  (2-1) на Билјанини Извори во Охрид. До втората победа во овогодинешните меѓусебните пресметки гипсарите стигнаа по катастрофалната интервенција на голманот на Победа , Вртески.


Мемеди среќно ја донесе победа

Ренова одлично го отвори мечот и во првата посериозна прилика стигна да предност.Нухии беше стрелец во 10-та  минута.

По погодокот домаќините не застанаа, продолжија да играат да креираат шанси, кои не успеаваа да ги финишираат со погодок. Откако се созедоа гостите заигра по ангажирано во средината, а како плод на таквата игра беше погодокот на Ристевски (1-1)

По резултатски израмнетото прво полувреме следуваше мирен период на игра во кој блага теренска иницијатива но без конкретни прилики имаше Ренова.

Сликата и тоа како се промена во 74 минута кога Деспотовски заработи директен црвен картон по ударот без топка над Нестороски.

Играчите на Победа тогаш се растрчаа по теренот , створија неколку прилики кои не успеаа да ги реализираат. Казната за нивната нефикасност, а награда за неуморните играчи на Ренова, стигна во финишот на мечот.


Не го криеја разочарувањето – клупата на Победа

Јунакот од средбата со Вардар, Вртески, по центаршутот на Мемеди , заплива и се удави во сопствената мрежа.

М.Постоловски