Охриѓанецот Климент Настоски ќе ја зголеми македонската колонија во Чешка. Настоски (21) е пред потпишување на договор со чешкиот Бохемијанс.– Пред недела дена бев на проба во Чешка и откако најдовме заеднички јазик на крајот на месецов заминувам за да го официјализираме договорот – ни изјави Настоски.
Настоски кој потекнува од Охридската фудбалска школа, четири години помина во Белградски Партизан. Настапуваше во филијалата на црно-белите Телеоптик, како и тимот на Динамо од Врање.
Изминатата сезона го носеше дресот на македонскиот шампион Прилепска Победа.
Во Чешкиот шампионат со голем успех настапува уште еден охриѓанец , Гоце Толески, кој е на чекор до освојување на титулата
М.Постоловски
