Даниел Медведев во своето трето финале стигна до првиот грен слем во кариерата, откако во финалето на УС Опен го совлада првиот рекет на светот Новаќ Ѓоковиќ со 3:0, по сетови 6:4, 6:4 и 6:4.
Ѓоковиќ беше на праг да освои календарски грен слем, но Медведев одигра фантастичен натпревар во кој направи многу малку грешки и имаше одличен сервис.
Медведев до финалето потроши многу помалку енергија, бидејќи имаше далеку посалаби противници, за разлика од Ѓоковиќ кој мина речиси 6 часа повеќе на терените до завршниот меч. Тоа ни од далеку не ја намалува победата на Медведев, дотолку повеќе што Русинот во финалето покажа извонредна игра и сосема заслужено стигна до својата прва грен слем титула.
Ѓоковиќ по мечот го призна поразот и му честиташе на противникот.
Ако некој заслужи да го освои овој грен слем тоа секако е Даниел. Тој одигра фантастичен турнир. – рече Ѓоковиќ, кој и се заблагодари на публиката за големата поддршка која му ја пружи во Њујорк.
Медведев не ги криеше емоциите по големиот триумф, но не го заборави и Новак.
До сега не сум го изјавил ова јавно, но сега ќе го направам тоа, Новак за мене ти си најдобриот тенисер во историјата на овој спорт. – рече Медведев, кој инкасираше 2,5 милиони долари за триумфот на УС Опен.
Србинот Ѓоковиќ остана на своите 20 грен слем титули, колку што имаат и Федерер и Надал.
Г.М.
