Ноќната трка која ќе се одржи вечер со почеток во 21 часот ќе го означи стартот на 10-то јубилејно издание на спортската манифестација „Охрид трчаТ“, која има богата програма утре и во недела кога ќе се одржат трките од 5 и 21 километар.
Стартот на ноќната трка е од плажата „Куба Либре“, а финишот во 21:15 часот на „Kеј Македонија“, пред хотел Палас.
Учеството е бесплатно, а сите учесници на ноќната трка ќе добијат светлечки фосфорни прстени за дополнителна магија низ охридската ноќ. Веднаш по финишот, забавата продолжува со Pasta Party и концерт на групата „NO FUN”. Ќе прославиме 10 години Костал и 10 години „Oхрид трчаТ“, еден заеднички јубилеј и една деценија партнерство кое трае уште од самиот почеток, велат од АК „Охрид трчаТ“.
Инаку, денес и утре е отворено „Охрид трчаТ“ експо каде учесниците може да ги подигнат стартните пакети, да се запознаат со деталите околу трките и да се подготват за незаборавен тркачки викенд во Охрид.
OhridNews
