ОУТУ „Ванчо Питошески“ учествуваше на манифестацијата „Образовно рандеву 2017“ во организација на Македонска асоцијација на средни стручни училишта што се одржа во СЕПУГС „Васил Антевски-Дрен“ во Скопје. Учениците преку свој штанд на саемот за образование во холот и дворот на училиштето со кој го освоија второто место ја презентираа работата, образовните профили, наставата, наградите, успесите, а исто така имаа можност преку натпревари, работилници, талент шоу и модна ревија да ги прикажат сите свои способности и да го претстават училиштето во најдобро светло.
Учествуваа 34 ученици во 11 различни категории под менторство на своите професори и координаторот-ментор проф. Перчо Божиновски покажувајќи ги своите знаења, умеења и вештини. На натпреварите учениците постигнаа високи резултати освојувајќи различни места и пласирајќи се од 2 до 44 место во конкуренција на 64 средни училишта, во одделните категории: штанд, драмска претстава, модна креација и ревија, поетска творба, веб-страница, интервју за работа, маркетинг план, јавен говор, серва, баскет, пинг-понг.
На „Образовното рандеву“ во Скопје учествуваше и Младинската организација при ОЕМУЦ „Св Наум Охридски“.
Учениците го претставија училиштето со свој штанд на кој ги изложија своите најнови достигнувања во младинската организација и на практичната настава. Во категоријата за најдобар штанд учениците го освоија третото место, а во најдобро светло се претставија и во следните категории: јавно говорење на македонски јазик, интервју за работа на македонски јазик, онлајн кариерно портфолио, поетска творба, најдобра фотографија.
OhridNews
OhridNews
