Општина Охрид пригодни свечености го одбележува 2 Август – Денот на Републиката.
Свеченостите почнаа синоќа во Велгошти со полагање на цвеќе на споменикот на Илинденците каде обраќање имаше претседателот на Советот на Општина Охрид, Перчо Божиновски. Во рамки на културно-уметничката програма се се одржа драмскиот перформанс „Македонија ќе роди нови борци, вие ќе живеете во срцата наши“ во изведба на македонски актери, по што следеше настап на охридскиот женски квартет „Harmonix“ и концерт на Јована Богданоска.
Чествувањата продолжуваат денеска, со пожување цвеќе пред спомен-обележјата на Илинденците во Градскиот парк и кај Прентов мост. Во 11 часот кај Прентов мост ќе се одржи историски час, по што ќе следи културно-уметничка програма и настап на музичката група „Премиера бенд“. Прославата ќе биде заокружена со „Илинденска вечер“ во селото Елшани, каде од 21 часот во дворот на црквата „Свети Илија“ ќе настапат Перчо Матлиески и Анастасија Митровска.
OhridNews
