Момците од охридскиот хард-рок состав The Backdoor Band, деновиве беа гости во македонската амбасада во Норвешка, каде остварија средба со амбасадорот од земјава и дипломатските претставници.
Охридските рокери минатата недела заминаа на мини-турнеја во главниот град на Норвешка, Осло, промовирајќи авторски и досега необјавен материјал низ локалните клубови во оваа скандинавска земја.
Изминатиот период, бендот сними три видео-записи за авторските песни “На задна врата” “Truck & Roll” и „Лоша Навика“, а низ земјава и соседна Србија успеаа да реализираат 100-тина настапи.
Инаку, The Backdoor Band е формиран пред 3 години, а во него членуваат: Жарко Јакимоски – вокал, Лазе Фармакоски – гитара, Александар Марковиќ – бас гитара, Никола Колјушевски – тапани.
OhridNews
