Актуелната управа на клубот, кој во својата историја има дадено тројца македонски фудбалски репрезентативци (Данчо Целеси, Џевко Шаиноски и Гоце Толески) се одлучи на ваков чекор со цел да се врати во Охрид подзаборавената најдобра споредна работа во светот. Покрај постојната школа, Охрид ќе отвори и свои филијали во околните места.
– Наша примарна цел е да ги активираме сите младински школи, и со сите сили ќе настојуваме во иднина охриѓани да бидат носители на играта во тимот. Со цел да го доближиме фудбалот до сите ќе отвориме филијали во охридскиот регион , прво во Долно Лакочереј потоа Косел, а не е исклучена можноста и поширко во регионот – вели Сашо Алче претседател во ФК Охрид,
Охрид по првиот дел од Втората МФЛ се наоѓа на осмото место со 23 бода. Желбата на сите во градот е да го видат Охрид во прволигашкото друштво, каде според многумина им е и местото.
