Дефектот на главната водоводна мрежа, поради кој од саботата жителите на селата Подмоље, Оровник, Горенци и Требеништа имаа прекин во водоснабдувањето, е отстранет, информираат од јавното претпријатие за комунални дејности.
Оттаму додаваат дека во тек е полнење на резервоарите со вода и дека за кратко време ќе дојде до нормализирање на водоснабдувањето во овие села.
Жителите од овој дел на општина Дебарца реагираа затоа што претходно од страна на јавното претпријатие беше кажано дека дефектот ќе биде отстранет во саботата, но и покрај ваквата информација тие останаа без вода во текот на целиот викенд.
OhridNews
