На координација на советничката група на СДСМ, која се одржа синоќа, за нов координатор во советот на Општина Охрид е одреден Проф.Д-р Јован Стојаноски. На консултативниот состанок на советниците од СДСМ заеднички било договорено Стојаноски да биде координатор на советничката група на здружената опозиција. Во текот на денешниот ден ќе се одржи средба со коалиционите партнери ЛДП и НСДП кои ќе бидат информирани за одлуката на советничката група на СДСМ.
Проф.Д-р Јован Стојаноски беше носител на советничката листа на здружената опозиција на локалните избори одржани минатата година. Тој на местото координатор доаѓа по разрешувањето од функцијата советник на претседателот на ОО СДСМ Томислав Тунтев од страна на владеачкото мнозинство.
На синоќешната координација на советниците на СДСМ станува збор и за точките кои ќе се најдат на дневен ред на продолжението од 23-тата седница која ќе се одржи утре. На оваа седница се очекува да биде верификуван мандатот на новиот советник од редовите на СДСМ, Виолета Мицкоска, која ќе го заземе местото на разрешениот Тунтев.
Ohridnews
