Без резултатска предност Ренова и бранителот на трофејот во купот – Работнички, ќе стартуваат за 14 дена на „Градски “во Скопје .
Пријателски, без многу возбудувања, екипите ги одработија првите 90 минути во Охрид, играјќи 0-0
-Извлековме добар резултат. Дојдовме во Охрид да не загубиме. По двата натпревари ќе се знае конечнитот победник. Очекувам вториот натпревар на „Градски“ да биде на друга слика. Ќе мора многу повеќе да креираме за да стигнеме до полуфиналето – рече стратегот на романтичарите, Бобан Бабунски.
Конечниот победник според очекувањата ќе го даде реванш мечот на кој според тренерот на Ренова, Костов, притисокот ќе биде на плеќите на домаќините.
-По неколкуте тешки натпревари во серија, следуваше и овај по кој мора да сме задоволни со овие 0-0. До реванш мечот очекувам да се комплетираме, императивот ќе биде на страната на Работнички,а ние стрпливо ќе ја чекаме нашата шанса – вели Костов кој по “преселбата“ во Охрид нема пораз со својата екипа.
М.Постоловски
