Подготовките за вториот дел од кошаркарската сезона на охридскиот Амак СП ќе претрпат претумбации откако спортската сала “Билјанини Извори“ ке биде вон употреба од 14-21 јануари.
Спортската сала во овај период ќе биде ставена во служба на вториот по ред меѓународен саем за туризам, кој ке се одржува во Охрид од 17-20 јануари.
Еднонеделниот период охриѓани ќе го искористат да одиграат неколку пријателски натпревари преку кои ке ја темпираат формата за стартот на вториот дел од шампионатот кога ќе го имаат првиот шампиноски тест, гостувањето на бранителот на титулата Фени Индустри.
– Овај период на зафатеност на салата ќе го премостиме со тоа што ке одиграме неколку пријателски натпревари. Во петок ке гостуваме кај Пелистер во Битола, додека во вторник ќе гостуваме во Скопје кај Вардар. Во меѓуврме ќе тренираме во некоја од салите на основните училлишта – истакна стратегот на охриѓани Марјан Лазоски.
Во идентична ситуација тимот на Амак се најде и минатиот месец кога поради натпреварите од ракометното европско првенство за сениорки тренираа и играа во Струга. Охргани одиграа еден натпревар против тимот на Торус кој го добија со 90-79.
М.П.
