Искусниот дефанзивец Валтер Самоил стрелаше прецизно во третата минута, што на крај се покажа како клучен момент во миланското дерби. Нероаѕурите славеа минимално над Милан со 1:0, и останаа во трка за врвот во Сериа А, каде се наоѓа Јувентус, кој славеше над Сиена во гости.
Интер цело второ полувреме игрраше со фудбалер помалку, откако Нагатомо заработи исклучување по играње со рака на средината од теренот. Милан до крајот на мечот притискаше, но одличниот 
Хандановиќ не дозволи да биде совладан. На спротивната страна Милито пропушти неколку можности да го реши дербито „Де ла Мадонина“.
Македонскиот репрезентативец Горан Пандев му донесе победа на Наполи во вториот дерби натпревар во Италија одигран во вечерниот термин. Гранде Пандев го постигна вториот гол за наполитанците кои славеа над Удинезе на домашен терен со 2:1. Наполи го дели врвот на табелата со водечкиот Јувентус.
