Сертифицирани 10 нови спасители на отворени води преку обуката која ја реализираше Црвен крст Охрид преку Центарот за безбедност на вода.
Програмата, посочуваат од Црвен крст Охрид, опфати теоретски и практични модули од областа на спасување и извлекување на активни и пасивни давеници од отворени води, употреба на специјализирана и прирачна спасувачка опрема, превентивни мерки за зголемување на безбедноста во и покрај вода и укажување основна и напредна прва помош во итни ситуации.
Со успешно завршување на обуката, новите спасители се подготвени да дејствуваат ефикасно и одговорно, придонесувајќи за зачувување на животот и зголемување на безбедноста на капалиштата, посочуваат од Црвен крст Охрид.
OhridNews
