Дваесет и првата Поетска ноќ во Велестово мина во знак на писателот Братислав Ташковски. Традиционално поетскиот портрет за Ташковски се одржа синоќа кај чешмата во Велестово, каде за делото на авторот беседеше Бранко Цветковски.

Познатиот писател, драматург и публицист, Братислав Ташковски е роден 1960 во Скопје. Автор е на книгите Прсти во облаците, Бикови во мојот крвоток, Опасна хартија , Ангелот и жедната муза, Демоника, Ангелот и Господ и други.  Добитник е на наградите „Студентски збор“ и „Млад борец“, а во 2006 година ја доби и престижната награда на Струшките вечери на поезијата, „Браќа Миладиновци“.

Втората вечер на културната манифестација во Велестово ќе биде посветена на актерот Мирче Доневски, a ќе биде претставен и мултимедијалниот проект во адаптација на Срѓан Јанакиевиќ кој  содржи проекција на арт видео, музички дел и театарски дел.


Ohridnews