Белгија стартуваше на Светското првенство во Катар со тешко извојувана победа синоќа против Канада од 1-0 (1-0) во рамки на групата Ф.
Канада од самиот почеток наметна висок пресинг на игра и на крајот незаслужено замина со гол негатива на полувреме, откако во првиот дел не реализираше пенал преку Алфонсо Дејвис, а пропушти и уште неколку стопроцентни шанси за погодок.
Казната на спротивната страна дојде во 44 минута кога Белгија преку Мичу Бачуај дојде до водство кое го задржа до крајот на натпреварот за стартна победа во групата пред претстојните дуели против Мароко и Хрватска.
Mечот го одбележаа неколку судиски грешки и крајно сомнителна ситуација во која не беше досуден уште еден пенал за Канада.
Претходно во рамки на истата група Мароко и Хрватска одиграа без голови.
OhridNews
