Спасителите на Црвениот Крст од Охрид вчера спасиле 12 годишно момче, кое паднало во водите на Охридското Езеро, за време на одржувањето на „Светскиот куп за акробатски параглајдеризам“, во Поградец, Република Албанија. Момчето кое е спасено било во публиката и го набљудувало овој натпревар на педалинка.
-Нашите тимови уште еднаш покажаа дека се подготвени да интервенираат, a реакциите од организаторите се многу позитивни. Токму затоа планираат следното Светско првенство да го организираат повторно над водите на Охридското Езеро, но од македонска страна, информираше Сашо Точков претседател на Црвениот крст од Охрид.
Инаку „Светскиот куп за акробатски параглајдеризам“, кој се одржува до недела, го обезбедуваат два тима на спасители на вода од Охрид.
OhridNews
