Во Охрид наскоро ќе биде подигнато спомен обележје на руската кнегиња Олга и кнезот Владимир. Предлог одлугата за поставување на споменикот ќе се најде на дневен ред на петтата седница на Советот. Идејата е на Светскиот македонски конгрес и Руската заедница во Македонија, а идејното решение е дело на професор Андреј Токарев, информираат од локалната самоуправа.
– Поставувањето на ова спомен-обележје ќе значи извлекување од заборавот и материјално потсетување за еден битен сегмент од богатото историско минато на Охрид, за идентитетот на МПЦ и македонската нација и, посебно, за големото значење на соборната црква „Света Софија“ бидејки ке го симболизира историскиот факт дека Русија го прими православието токму од Охрид, велат од локалната самоуправа.
Во десетиот век Великата кнегиња Олга била покрстена во црквата Св. Софија во Охрид, каде бил покрстен и нејзиниот внук, кнезот Владимир. Овој чин се смета за преземањето на православието како вера во Русија.
Ohridnews
