Средношколци од охридската гимназија годинава за прв пат организираат прослава за генерацијата матуранти кои средното образование во оваа образовна институција го завршиле пред 20 години. Станува збор за проект по предметот бизнис и претприемништво, а учениците кои се вклучени во организацијата организираа прибирање на понуди и самите ги изработија поканите кои ќе бидат пратени до матурантите кои го одбележуваат јубилејот.
За најповолна беше избрана понудата на Хотел „Ројал Вју“ која изнесува 650 денари во кои се вклучени 100 денари од продадена влезница кои ќе бидат пренесени на сметката на гимназијата. Предвидено е собраните средства да се искористат за унапредување на просторно-техничките услови за изведување на воспитно-образовниот процес во училиштето.
Прославата ќе се организира на 28- ми јуни.
Идејата потекна од самите ученици и беше прифатена од ракводството на училиштето со намера во иднина ваквиот начин на организација на јубилејните матури да стане пракса.
OhridNews
