Секоја сличност е – намерна! Вака може да се опише во една реченица пристапот и начинот на кој младите актери од драмското студио, во саботата навечер, го „видоа“ и играа „Сомнителното лице“. Или Suspisious Face, во нивен жаргон.
Легендарната претстава од 1993 со Горан Стојаноски во главна улога, која своевремено даде ново видување на Нушиќевиот текст, сега е одново „видена“ во римејкот на драмското студио.
Идејата за „ново видување“ на „новото видување“ односно римејк потекна од членовите на драмското студио, гимназијалците Марко Танески, Димитар Зафироски и Ангел Секулоски кои ги имаат улогите на Јеротије, Виќа и Милисав. Марко и Димитар многу се потрудиле и успеале да личат на Горанчо и Чики („првите“ Јеротије и Виќа). И останатите „карактери“ придонесоа претставата да не „запре“ во ниеден момент, а бројната публика да се смее нон-стоп.
Идејата за „ново видување“ на „новото видување“ односно римејк потекна од членовите на драмското студио, гимназијалците Марко Танески, Димитар Зафироски и Ангел Секулоски кои ги имаат улогите на Јеротије, Виќа и Милисав. Марко и Димитар многу се потрудиле и успеале да личат на Горанчо и Чики („првите“ Јеротије и Виќа). И останатите „карактери“ придонесоа претставата да не „запре“ во ниеден момент, а бројната публика да се смее нон-стоп.
Координаторот на Драмското студио, охридската актерка Марија Новак, вели дека оваа претстава треба да „малку и да шета“ низ Македонија што би значело афирмација на драмското студио при Центарот за култура. „Овие денешниве деца не се како нас на времето. Многу се своеглави и упорни, па иако им велев да не го подготвуваат баш овој текст, сепак одеа по свое, а мене не ми преостана друго освен да им помогнам колку што можам, да го совладаат што подобро“ – вели Новак.
Само напред дечки!
Текст и фотографии:
Спаско Костоски
