Викендов, во колеџот „Јахја Кемал“ се изврши свечено доделување на дипломи на матурантите кои годинава го завршија средното образование во ова училиште.
На свеченоста присуствуваше и градоначалникот Никола Бакрачески кој на матурантите им посака понатамошни успеси со желба да се посветат на стекнување повисоко образование што е еден од основните услови за успех.
При тоа, градоначалникот им ги врачи дипломите на првенците на генерацијата, охриѓанката Бранка Бунташеска и Никола Таштаноски, кои со своите научни достигнувања станаа охридска гордост во светски рамки.
Двајцата млади таленти, Бунташеска и Таштаноски се дел од Советот на млади при Општина Охрид.
OhridNews