Охридскиот Народен театар по гостувањето на Битолскиот театар со претставата „Последната ноќ“ и МНТ со „Не се клади на Енглези“, го најавува и гостувањето на Театар Комедија од Скопје.

Актерите од Театар Комедија на 4-ти ноември, во 20 часот, пред охридската публика ќе ја играат  101-та изведба на мега популарната претстава „Стујардеси“.
Претставата „Стјуардеси“ е работена по делото „Боинг боинг“ на Марк Камолети. Режисер на претставата е Синиша Евтимов, сценографија и костимографијата – Илина Ангеловска, музика – Драган Ѓаконовски Шпато.

Играат: Атанас Атанасовски, Валентин Костадиновски – Тино, Марија Кондовска, Жаклина Петровска, Кристина Ласовска и Тања Мицков.

Се работи за една класична фарса. „Стјуардеси“ има седум врати и многу необјасниви ситуации. Бернард е успешен архитект, кој има фантастичен стан, домашна помошничка и ја има формулата за совршен, полигамен живот. Оваа формула се обидува да му ја претстави на својот најдобар пријател Роберт. Формулата за совшрен живот е да се има три стјуардеси од три различни компании, кои патуваат секој ден во Скопје и за секој ден има по една различна девојка вереница. Но равенката многу брзо се распаѓа и сите непријатни ситуации се случуваат во еден стан, еден вереник, три вереници и неговиот најдобар пријател и Берта домашната помошничка која се труди да одржи се во најдобар ред.

Картите по цена од 150 денари ќе бидат пуштени во продажба од вторник, 31-ви октомври на билетарата при театарот.

OhridNews