Утре, 26- ти мај со почеток во 12.30 часот ќе се одржи 24- та седница на советот на општина Охрид, која во петокот беше одложена поради Денот на Власите во Македонија.
На седницата се очекува да биде извршена верификација на мандатот на членот во советот кој ќе дојде на местото на Томислав Тунтев. На седницата, како точки на дневен ред се и предлог решенијата за именување претседател на Статутарно-правната Комисија, за именување член во Комисијата за јавни и комунални дејности и за именување член во Комисијата за месна самоуправа.
Половина час подоцна ќе започне продолжението на прекинатата 23- та седница на која меѓу точките на дневен ред се и предлог одлуките за давање согласност на одлуката на Управниот одбор на ЈП „Билјанини Извори“ за усвојување на физибилити студија и за давање согласност на Одлуката за започнување на постапка за доделување на Договор за воспоставување на јавно приватно партнерство за имплементација на електронски систем за организирање и наплата за паркирање на јавните паркинг простори.
OhridNews
