ВМРО ДПМНЕ не го прифаќа објаснувањето на Локалната самоуправа во врска со обвинувањата што оваа партија ги упати на адреса на општината, дека се вршат притисоци врз вработените да ја поддржат СДСМ.
– Вработените во Општина Охрид се наоѓат во невиден притисок и закани од страна на Раководители на сектори во Локалната и лично од единствениот кандидат на СДСМ од Охрид Митре Велјаноски. Такви закани Митре Велјаноски и компанијата можат да вршат на друго место, а никако во Охрид. ВМРО-ДПМНЕ има демократски принципи и секој кој што доброволно сака да учествува на митинг на СДСМ го респектираме како одлука и како политичка определба. Но, заканите и заплашувањата врз неопределените ја преминуваат секоја мерка. -стои во реакцијата на ВМРО ДПМНЕ.
Оттаму најавија дека ќе застанат во заштита на лицата врз кои се врши притисок во предизборниот период.
OhridNews
