Министерството за транспорт и врски денеска објави оглас со кој по пат на електронско наддавање нуди на продажба 9 градежни парцели во општина Дебрца наменети за изградба на винарски визби.
Од Министерството за транспорт и врски информираат дека целта е привлекување нови домашни и странски инвестиции, како и отворање нови работни места.
Градежните парцели се со површини од 2.299 до 2.644 метри квадратни. Поочетна цена изнесува 200 денари за метар квадратен. Заинтересираните пријавите за учество на јавното наддавање треба да ги достават најдоцна до 12 јули.
Покрај во Дебрца Министерството за транспорт и врски распиша јавен оглас на продажба на една локација на неизградено државно земјиште во општина Кратово.
OhridNews
