По серијата тешки кражби во изминатите години, кога од православните храмови во охридско, струшко и дебарско беа украдени голем број икони и реликвии, меѓу кои и моштите на светците Кирик и Јулита кои се чуваа во црквата Св. Богородица Болничка во стариот дел на Охрид, Дебарско – кичевската епархија ќе гради музеј во кој ќе се чува и заштитува вредното црковно богатство.
-Тоа ќе биде поголем музеј на ниво на епархија во Охрид. Во тек е изработка на проект кој е во завршна фаза и се надеваме дека во текот на оваа или идната година со господ напред ќе го реализираме. –изјави митрополитот Дебарско – кичевски г. Тимотеј.
Реализацијата на овој проект е од исклучително значење, бидејќи во новиот музеј треба да се депонираат највредните икони и значајни артефакти од црквите во Дебарско – кичевската епархија.
Г.М.
