Колективен договор помеѓу синдикатот на вработените во угостителството-СУТКОЗ, Организацијата на работодавачите и хотелската асоцијација на Македонија-ХОТАМ, беше потпишан денеска во Охрид. Целта е да се регулираат односите помеѓу работодавачите и вработените во угостителството согласно законот за работни односи.


синдикатот и работодавачите се договорија

Договорот го потпишаа претседателот на СУТКОЗ, Зоран Георгиевски, претседателот на Организацијата на работодавачите, Димитар Стојаноски и претседателот на ХОТАМ, Дончо Танески.

Со потпишувањето на еден ваков колективен договор се затвораат сите отворени прашања помеѓу работодавачите и вработените, истакна претседателот на ХОТАМ, Дончо Танески. Според претседателот на СУТКОЗ, Зоран Георгиевски, со овој колективен договор прецизно се утврдуваат правата и обврските на работодавачите и вработените. „На овој начин ќе ги избегнеме проблемите, ќе имаме подобри претпријатија и позадоволни работодавачи и работници“, рече Герогиевски.

Потписниците на колективниот договоро сметаат дека тој позитивно ќе влијае на развојот на угостителството и турирузмот бидејќи на тој начин се регулираат односите меѓу чинителите на овие дејности.

Г.Момироски