Охрид деновиве е домаќин на првиот семинар од Школата за жени –синдикални лидери предвидени за 2014 година, на кој учествуваат претставнички од секциите на жените на речиси сите гранкови синдикати, независно во кој сектор или федерација припаѓаат.
Целта е да се креира заедничка платформа за справување со проблемите со кои се соочуваат жените на работното место и да се промовира тимската работа на припадничките на понежниот пол.
Предвидено е во следните семинари огранизирани во рамки на Школата за жени –синдикални лидери да се направи обид да се зајакнат капацитетите на сите претставнички од гранските синдикати, преку обука за менаџирање со време, обука за синдикално лидерство и трудово законодавство.
Школата за жени- синдикални лидери за 2014 е во организација на Фондацијата „Фридрих Еберт“ и сите гранкови синдикати во Република Македонија.
OhridNews
