Возбудливи натпревари и постигнати многу голови во четвртото коло од фудбалскиот турнир „Езерска бизнис лига“

Викендов беа одиграни натпреварите од четвртото коло од фудбалскиот турнир „Езерска бизнис лига“ што се одржува во Спортскиот центар „Климент Колески“ во организација на „Sport Brother Ohrid“.

Беа одиграни возбудливи натпревари и постигнати многу голови на теренот. Во саботата во првиот натпревар екипата на Жито Леб ја совлада екипата на АСП ПАК со два гола разлика (4:2), додека во вториот натпревар Макпетрол ја совлада екипата Инекс Олгица со резулат 3:2.

Во неделните натпревари Костал убедливо победи во натпреварот со екипата од Општина Охрид постигнувајќи 13 гола наспроти едниот од противничката екипа (13:1), додека ТАВ Аеродром изгуби од Магна (1:4). Екипата на ЛТХ Леарница беше слободна во ова коло.

По одиграното четврто коло по 12 бода и на врвот на табелата се екипите на Магна и Жито леб, додека со 9 бода се екипите на Инекс Олгица и Макпетрол.

Најдобари стрелци во четвртото коло се Климент Ристоски, Наум Танески и Александар Андревски кои постигнаа по 6 гола.

Натпреварите продолжуваат следниот викенд со петтото коло. Во рамки на турнирот предвидено е да бидат одгирани 9 кола.

OhridNews