ОГЛАСИ

Хан и Могерини: Во ЕУ кога ќе си ги решите споровите со соседите и ќе ги исполните барањата

Вести | Охрид | 06.02.2018 19:46Посети : 499

Европската комисија им испорача низа барања на земјите од Западен Балкан кои треба да се исполнат на патот кон членството во ЕУ, но истовремено преку шест големи иницијативи презема обврска за далеку поголема поддршка и помош за регионот во наредниот период, пренесува „Макфакс“. Могерини очекува да има пресвртници, но влегувањето во Унијата пред 2025 е тешко, со оглед на динамиката со која течат процесите. Во излагањето на Могерини и Хан ниту еднаш не беше спомната Македонија за време на презентирањето на стратегијата за Западен Балкан, а акцент беше ставен на Србија и Црна Гора, кои во моментот се најблиску до Европската Унија. Доколку шесте земји сакаат да ѝ се придружат на ЕУ, ќе мора реформите и барањата да ги завршат за две години, односно до 2020 година.


Хан вели дека вратите на ЕУ ќе се отворат кога земјите ќе ги спроведат 57-те конкретни мерки, меѓу кои зајакнување на владеењето на правото, квалитет и ефикасност на правосудниот систем, борба против корупцијата, подобрување на економската конкурентност, почитување на слободата на изразување и на независноста на медиумите, реформа на јавната администрација, решавање на билатералните спорови, зајакнување на демократските институции и улогата на парламентот и реформа на законите за финансирање на политичките партии.


Во врска со индикативниот датум, тоа може да биде можност за некои од земјите да ѝ се придружат на ЕУ, но тоа е амбициозен датум. Битно е сè да биде во согласност со нашите политики. Јасно е дека условите мора да бидат исполнети, а јасните пораки во оваа стратегија се дека ЕУ нема да прифати земји што ги немаат решено своите билатерално-конфликтни прашања“, потенцира Хан.


 


Во стратегијата за проширување на Европската Унија на Западен Балкан се наведува дека сите земји во регионот имаат можност да напредуваат на европскиот пат врз основа на сопствени заслуги и брзината со која ќе ги остварат реформите. Стратегијата треба да ги даде насоките за пристапување на Србија и Црна Гора во ЕУ до 2025 година, како и за идните чекори што на патот кон ЕУ ги очекуваат Албанија, Македонија, БиХ и Косово. Стратегијата ќе им биде упатена и на земјите членки, кои за неа ќе расправаат на самитот идниот месец.


ОhridNews
извор: „Макфакс“

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали ќе биде постигнат договор за спорот со името помеѓу Македонија и Грција?

Да

Не

Гласај

Да - 527 гласови (31%)

Не - 1162 гласови (69%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833