Натпреварот против АМАК СП во саботата лесно може да се случи да биде последниот за Јорданчо Давитков на клупата на актуелниот шампион. Како што неофицијлано дознаваме, поразот од АМАК СП 94-89, ја прелеа чашата на трпението на сопствениците на клубот, посебно по загубениот куп трофеј во последните секунди од мечот против Фени Инд во Кавадарци, па на поранешниот селектор му се заканува оставка.
Давитков не е омилен и кај “ајдуците“ кои во финишот на средбата му скандираа “оди си дома“. Како можен наследник на жешката клупа на шампионот се споменува името на Александар Петровиќ, кој во првиот дел од сезоната седеше на клупата на Пелистер. За струмицачни ова би била втора рокада на нивната клупа откако сезоната ја започна актуелнито селектор Јовица Арсиќ, а на негово место седна поранешниот селектор Јорданчо Давитков.
Во колку се случи ваков развој на настаните АМАК СП по втор пат сезонава би бил “виновен“ за смена на тренерската позиција. Тимот на МЗТ Фон, по поразот од АМАК СП во Јане Сандски 96-90, тогаш му се заблагодари на услугите на Александар Тодоров, а на негово место дојде Марјан Лазовски.
