Седумгодишно девојче од Тајланд пати од многу ретко генетско пореметување, во народот познато како синдром – Вукодлак.
Абрасов синдром е доста ретка и наследна генетска малформација која предизвикува прекувремена активност на фоликулите, а се манифестира како претерана влакнетост по целото тело и лице. До сега се забележани педесеттина случаи од периодот на средниот век, кога болеста е за прв пат откриена.
Иако луѓето кои не ја познаваат ја гледаат малечката Нет како наказа, таа сепак е како и сите други деца на нејзина возраст. Сака да си игра, смее и ужива во посетите на локалните фаст фуд ресторани со своите родители и нејзината 12 годишна сестра. Освен тоа, таа е вистински спортски тип. Најбрза е во класот, а гимнастиката е нејзина страст.
„Јас сум нормално девојче. Сакам да одам на училиште и имам многу пријатели. Можеби изгледам поинаку, но јас сум како и сите други“, низ смеа кажува ова седумгодишно девојче.
Учителите во нејзиното училиште за неа велат дека е доста интелигентна и креативна, а нејзина желба е еден ден да запише факултет, затоа што сака да биде професорка.
„Не знаевме дека вака ќе изгледа. На ултразвук дури пред раѓањето ми беше кажано дека изгледа влакнесто, но мислевме дека тоа е нормална коса. Кога после царскиот рез ми ја донесоа, се шокирав. Прво плачев, но сепак тоа е наше дете и набрзо се помиривме со тоа.“-вели нејзината мајка.
Кога била многу малечка, родителите ја однеле на доктор кој ласерски ги отстранил вишокот влакна. Но, ефектот бил само привремен, а кожата и станала зеленкаста и отечена. После некое време влакната повторно и пораснале.
Нејзиниот татко пак кажува:„Ни рекоа да се обидеме подоцна кога малку ќе порасне, но не знаат дали ќе успее. Сама нека одлучи.“
