Во 84. година од животот почина Љубисав Иванов – Ѕинго, поранешен претседател на Фудбалскиот Сојуз на Македонија (1993-1999), долгогодишен истакнат фудбалски работник, прв човек на ФК Силекс и почесен претседател на Фудбалската федерација на Македонија.

Македонскиот фудбал денес го загуби еден од своите најдобри и најважни фудбалски работници во својата историја. Ни беше чест што го познававме и соработувавме со Љубисав Иванов – Ѕинго, а навистина е безпредметно воопшто да набројуваме со што сѐ го задолжи нашиот фудбал и Фудбалската федерација на Македонија. Наша должност е да продолжиме по патот кој тој го трасираше. Да се грижиме за федерацијата и луѓето, да се грижиме за македонскиот фудбал. – стои во соопштението од Фудбалската федерација на Македонија.

ФФМ и целото македонска фудбалска семејство изразија најдлабоко сочуство до семејството на Љубисав Иванов-Ѕинго.

OhridNews